पूजा गर्ने ठाउँ जस्तोसुकै होस्, तर त्यो इसान कोणमा नै हुनर्पर्दछ ।पूजा गर्दा उत्तर वा पुर्व तर्फफर्किएको हुनर्पर्दछ । पूजा कोठामा विभिन्न मुर्तीहरू राख्ने चलन छ । त्यो एकदमै अशुभ हो । यसले गर्दा घरमा पिता र पुत्रबीच वैमनस्यता बढ्न जानेछ, जसले गर्दा घर भाँडिने सम्भावना रहन्छ । सुत्ने कोठामा भगवानको मुर्ती या तस्विर नराख्ने, न त पूजा पाठ नै गर्ने, सुत्ने खाटलाई भित्तामा टाँसेर नराख्ने, कमसेकम ६ इञ्चको दूरीमा राख्ने । लोग्ने-स्वास्नी सुत्ने खाटमा पाहुना वा अन्य व्यक्तिलाई नसुताउने, खाटमा तन्ना बैजनी रङको हुनु सुखी यौनजीवनको परिचायक बन्नेछ ।
व्यापारीहरूले पसलमा गणेशको मुर्ती राख्दा ढोका सामुन्नेको भित्तामा राख्ने, मुख्य बोस नैऋत्य कोणमा बस्ने, पानी पिउँदा पुर्व या उत्तरतर्फफर्केर पिउने, काँस, पित्तल, शिशाको भाँडामा पानी पिउने, तामा एवं माटोका भाँडामा पानी भरेर राख्ने, फलाम, एल्मुनियम एवं प्लाष्टिकको भाँडामा भोजन नखाने यदि खानै परेमा टेबलमाथि राखेर खाने, भुइँमा नराख्ने । घरमा मुख्य ढोका सामुन्ने नै कुनै ठूलो खम्बा या अर्कैको ढोका छ भने आफ्नो ढोकाको मथि ऐना राखिदिने ।
घर बनाउँदा उत्तर-पुर्व फर्केको ढोका हाल्ने, दक्षिण दिशामा छ भने बाख्राको पाठी दान गर्ने । यदि आग्नेय कोणमा जलस्थान परेमा स्त्री जातिलाई पिर्नेछ । उपचारको लागि इसान कोणमा तामाको भाँडामा पानी भरेर राखिरहने ।
घरमा कौसी निकाल्द पुर्व र उत्तर दिशामा उत्तम फलदायी हुनेछ । दक्षिण-पश्चिम दिशामा कौसी निकाल्नु घरमा दुर्घटना निम्त्याउनु हो । सुत्ने कोठामा ऐना नराख्ने यदि राख्नै परेमा पनि गोलो ऐना राख्ने ।
खाना खाने ठाउँमा ऐना राख्ने यसले गर्दा खाएको शरीरमा पोष लाग्नेछ र धन समृद्धिमा पनि वृद्धि हुन पुग्नेछ । टेलिफोनको नजिकै एक्युरियम नराख्ने, राखेमा रङ नम्बरका फोन आउनेछन् ।